भाईरल ज्वरोको प्रकोप बढेपछि विद्यालय बन्द

स्याङ्जाको पंचमुलमा एक साता देखि भाईरल ज्वरोको प्रकोप उच्च रुपमा फैलिएपछि जनहित निमावि ४ दिनदेखि बन्द भएको छ ।
ज्वरोका कारण विद्यालय बन्द हुँदा त्रैमासिक परीक्षा समेत प्रभावित भएको छ ।
दैनिक जसो एक सय ५० को हाराहारीमा भाईरल ज्वरोका विरामीहरु उपचारका लागि आउने गरेको पाचमुल प्राथमिक स्वास्थ्य केन्द्रका डाक्टर डिल्लीराम अधिकारीले जानकारी दिनुभयो ।
यस्तै स्वास्थ्य केन्द्रमा सामान्य रुघाखोकीको औषधीको समेत अभाव भएको छ । कतिपय बिरामीहरु सदरमुकाम स्याङ्जा तथा पोखरा उपचार गर्न जाने गरेका छन् ।