स्याङ्जामा आइतबार रक्तदान हुदै

(लोकनाथ मरासिनी)
स्याङ्जा, मंसिर २५ - स्याङ्जामा आइतबार रक्तदान कार्यक्रम गरिने भएको छ । मानव रगतको कुनै मुल्य छैन यसको कृत्रिम उत्पादन गर्न सकिदैन मानवताका लागि मानिसहरुबाट मात्र प्राप्त गर्न सकिन्छ भन्दै सत्य साई केन्द्र स्याङ्जाले रक्तदान कार्यक्रम सदरमुकामस्थित सहिदचोकमा आयोजना गर्ने भएको हो ।

 नेपाल रेडक्रस सोसाइटी रक्त साचार केन्द्र जिल्ला स्वास्थ्य कार्यालय तथा जिल्ला अस्पताल स्याङ्जाको प्राविधिक सहयोग एवं सदरमुकामका विभिन्न शैक्षिक संस्थाहरुको सहयोगमा रक्तदान कार्यक्रमको तयारी अन्तिम चरणमा पुगेको साई केन्द्र स्याङ्जाले जनाएको छ । आइतबार हुने रक्तदानमा रक्तदान गर्न दुईसय ५० जनाले नाम दर्ता गरिसकेको केन्द्रले जनाएको छ ।