फगत समय !!!!

लेखक: " दूर्जय चेतना"
       समय मानिसको त्यो लक्ष रहेछ जो आफैमा अनेकौ यात्राहरु बोकेर र आफैमा अनेकौ उपाख्यानहरु लिएर हिड्ने गर्छ। जीवनको त्यो दौड समयले गर्दा हो वा समय जीवनले गर्दा हो, त्यसको लेखाजोखा समयलाईनै अनेकौ पटक छोड्नु पर्ने हुन्छ सायद। यात्राका अनेकौ ढंगहरु र बाटाहरु हुदा हुदै समयलाई निकै रमाईलो सगँ लिने र यसको ब्याख्या गर्ने गरिन्छ सायद र यसको उपमा जे दिए पनि यो एउटा बिल्कुलै “फगत समय” हुने गर्छ। चार टुक्रा फेरि आफ्नै गाउँ ठाउँको लागि र मैले यहाँ राखिदिए। आफ्नो ठाउँ र समय चाहेर पनि सघै आफ्नो हुदो रहेनछ त्यसैले समय सगँ सानो गुनासो पनि छ र छैन पनि।
फगत समय

निमेष याद (हेर्नुस न याद पनि निमेष रे)
छट्पटी र साधना
फगत असफल प्रयास
जोडिदै बाङ्गिदै र भाँचिदै समय!

जीवन दर्शन
उचेराइ र बोध
फगत अनुत्तरित उत्तर
लेख्दै, केर्दै र च्यातिदै समय!!

समय ज्ञान
अलक्षित र पर्खाई
फगत निर्जिव चाल
धुमाईदै, फन्किदै र बस्दै समय!!!

मृत्यु दर्शन
सुखी र शान्त
फगत अनिमेष यात्रा
छुट्टिदै, टुक्रिदै र भोग्दै समय!!!!