प्रदर्शनको लागि पोखरा, काठमाडौ गएपछि स्याङजा सुनसान

                   स्याङ्जा, वैशाख १८ - मे दिवस मनाउन र निर्णायक आन्दोलनको लागि भन्दै माओवादी कार्यकर्ता र सर्वसाधरण काठमाडौ तथा पोखरा गएपछि जिल्ला सुनसान भएको छ । सदरमुकाम र गाविसमा समेत चहल पहल कम देखिएको छ । निर्णायक आन्दोलनको लागि भन्दै माओवादीले १३ वटा बस काठमाडौ र ८७ बस रिर्जभ गरी पोखरा पठाएका छन् । गाँउबाट केहि जिप पनि गएको माओवादी जिल्ला ईन्चार्ज रमेश सिग्देलले बताए ।
धेरै मानिस बाहिरिएपछि मे दिवस मनाउन जिल्लामा थोरै मजदुर जुटेका थिए । उनीहरुले सदरमुकाम पुतलीबजारमा नारा जुलुस सहित परिक्रमा गरेर चोकमा कोण सभा गरेका थिए । कोणसभालाई सभासद गोमा पाठक र जिल्ला इन्चार्ज सिग्देलले संबोधन गरेका थिए । सर्वसाधरण भने टिभि हेर्न र बन्दको लागि सामान जुटाउनमा व्यस्त छन् ।