स्याङ्जामा माओवादीको आन्दोलनको कारण कक्षा १२ को परीक्षा स्थगित

                  स्याङ्जामा माओवादीको आन्दोलनको कारण कक्षा १२ को परीक्षा स्थगित भएको छ । ५७ वटा उच्चमावि र क्याम्पसका करीव ५ हजार विद्यार्थीको लागि १३ परीक्षा केन्द्र तोकिएको थियो ।
बन्दको कारण यातायातको साधन नचलेपछि टाढा-टाढाबाट हिडेर विद्यार्थी परीक्षा दिन परीक्षा केन्द्र पुगेका थिए । परीक्षाको लागि प्रश्नपत्र समेत बाडिसकेपछि क्रान्तिकारी विद्यार्थी संघले आएर परीक्षा सञ्चालन गर्न नदिएपछि विद्यार्थी अन्योलमा परेका थिए । पौवेगौडेकी सुशीला रेग्मिले भनिन 'पढेर आएको परीक्षा दिन नपाएपछि तनाव भएको छ ।' परीक्षा दिन नपाएका आक्रोसित विद्यार्थीले चोकमा परीक्षा दिन पाउनुपर्ने भन्दै नाराबाजी गरेका थिए ।
नाराबाजीकै क्रममा उनीहरुले आफूहरुलाई क्षतिपूर्ती दिनु पर्ने बताए ।