दुर्घटनामा २ को मृत्यु ३ घाइते

लोकनाथ मरासिनी
स्याङ्जाको ओरष्टेमा बुधबार अपरान्ह भएको यात्रुबहाक जीप दुर्घटनामा २ जनाको मृत्यु भएको छ भने ३ जना गम्भिर घाइते भएका छन् ।

सदरमुकामस्थित घुम्तीबजारबाट ओरष्टेका लागि छुटेको जीप ओरष्टे गाविस वडा नम्बर ७ पाटनेमा दुर्घटनामा पर्दा सोही ठाउँका १६ बर्षीय मदन थापाको घटनास्थलमै र वर्ष ७ का भोटे थापाको उपचारका क्रममा साँझ मृत्यु भएको हो ।
ग १ ज २३५८ नम्बरको जीप दुर्घटनामा परी घाइते भएका अन्य ३ जनाको पश्मिाञ्चल क्षेत्रिय अस्पताल पोखरामा उपचार भइरहेको छ ।
घाइते हुनेहरुमा ओरष्टे गाविस वडा नं. ७ का वर्ष २१ का सचिन थापा सोही ठाउँका बर्ष १४ का रोशन थापा र वर्ष १३ का रीता थापा रहेको बताइएको छ । घटनाको थप अनुसन्धान भइरहेको जिल्ला प्रहरी कार्यलय स्याङ्जाले जनाएको छ ।