युवाहरुको झडपमा दुई प्रहरी घाइते

        स्याङ्जा, जेष्ठ २२ - श्रीकृष्ण गण्डकी गाविसस्थित वीरेन्द्र उच्च माबिमा शुक्रबार साँझ आयोजित सांस्कृतिक कार्यक्रममा स्थानिय युवाहरुबीच भएको झडपमा २ जना प्रहरी घाइते भएका छन् ।

स्थानिय प्रगतिशिल युवा क्लबद्वारा आयोजित कार्यक्रममा युवाहरुले मादक पदार्थ सेवन गरि होहल्ला मच्चाएर दुई पक्षका युवाबीच झगडापछि नियन्त्रण गर्न खोज्दा कार्यक्रम हेर्न आएका युवाहरुले प्रहरीतर्फ ढुंगा मुढा गरेपछि स्थिति तनावग्रस्त हुन पुगेको प्रहरीले जनाएको छ । स्थितिलाई नियन्त्रण गर्न गएका प्रहरीमाथि नै उनीहरु कुटपिट गरेका थिए ।
 घाइते प्रहरीको मिर्मीस्थित कालिगण्डकी अस्पतालमा उपचार भैरहेको छ । झडपमा युवाहरुले प्रहरीले बोकेको थ्री नट थ्री राइफल खोसेर भांचेको प्रहरीले दावी गरेको छ ।
स्थितिलाई नियन्त्रणमा लिन वडा प्रहरी कार्यालय वालिङ र गल्याङ प्रहरी चौकीबाट थप प्रहरी घटनास्थल गएराती त्यस तर्फ गएपनि शनिवार विहान मात्रै स्थिति नियन्त्रणमा आएको छ । बाँकीको खोजी कार्य भएको वडा प्रहरी कार्यलय वालिङका प्रहरी निरीक्षक राजेन्द्र श्रेष्ठले बताए । करिव १० जनाको समुह फरार भएको छ । झडपमा ३ जना स्थानिय युवाहरु पनि घाइते भएका छन् ।
कान्तिपुर