ट्रकले किच्दा एक गम्भीर घाइते

     स्याङ्जा, जेठ २९ -  स्याङ्जा सदरमुकामको पुतलीबजार नगरपालिकास्थित शहिद चोकमा आज विहान ट्रकले किच्दा एकजना गम्भीर घाइते भएका छन् ।

पुतलीबजार नगरपालिका वडा नम्बर ४ मजुवा बस्ने ५८ वर्षीय सुकबहादुर आलेमगरलाई ग १ ख १२७६ नम्बरको ट्रकले किच्दा घाइते मगरका घुँडामुनि दुवैखुट्टा क्षतविक्षत भएका छन् ।
घाइते मगरलाई जिल्ला अस्पताल स्याङ्जामा प्राथमिक उपचारपछि थप उपचारका लागि पोखरास्थित चरक अस्पतालमा पठाइएको छ । ट्रक र चालक राजेशकुमार शाहलाई जिल्ला प्रहरी कार्यालयले आवश्यक अनुसन्धानका लागि नियन्त्रणमा लिएको जिल्ला प्रहरी कार्यालय स्याङ्जाले जनाएको छ ।