बाढीले बगाएर आमाछोरीको मृत्यु

   ६ असार, स्याङ्जा । खोलामा आएको बाढीले बगाएर स्याङ्जाको आरुचौर गाविस-४ का आमाछोरीको मृत्यु भएको छ । मृत्यु हुनेमा ४२ वर्षीया मीना पौडेल र उहाँकी १७ वर्षीया छोरी माया रहेको स्थानियवासीले बताएका छन् ।

गएराति खेत रोपेर घर फर्कदै गरेको अवस्थामा उहाँहरुलाई ठूलापधेरा भन्ने स्थानबाट बिरखर्क नामको खोलाले बगाएको हो । गएराति खोलाले बगाएर बेपत्ता भएका पौडेल आमाछोरीको शव आइतबार विहान करिब २ किलोमिटर तल भेटिएको थियो ।