बाघको आक्रमणका कारण ज्यान गुमाएकालाई राहत प्रदान

स्याङ्जा, ३० असार । दाउरा खोज्न जङ्गलमा जाँदा बाघको आक्रमणबाट ज्यान गुमाएकी स्याङ्जाको वाङसिङ गाविस-२ निवासी ६० वर्षीया आइतकुमारी कामीका परिवारलाई राहत वितरण गरिएको छ । वन्यजन्तुबाट हुने क्षतिको राहत निर्देशिका विसं २०६६ अनुसार राष्ट्रिय निकुाज तथा वन्यजन्तु संरक्षण विभागबाट प्राप्त रु एक लाख ५० हजारको चेक मृतकका परिवारलाई प्रमुख जिल्ला अधिकारी डुल्लुराज बस्नेत र स्थानीय विकास अधिकारी रामजीप्रसाद बरालले संयुक्तरुपमा हस्तान्तरण गर्नुभयो । विसं २०६८ जेठ २० गते आइतकुमारीले बाघको आक्रमणबाट ज्यान गुमाएकी थिइन् ।