ट्रक दुर्घटना ४ जनाको अवस्था गम्भिर

       स्याङ्गजा जिल्लाको तुल्सीभन्ज्याङ्ग गा.वि.स. नजिकै करिदीमा बुटवल देखि पोखरा तर्फ रक्सि लिएर जादै गरको लु १ ख ३९७६ नं. को मिनी ट्रक दुर्घटना भएको छ। ट्रक सडक देखि करिब १०० मिटर तल खसेको र ट्रकमा सवार ४ जनाको अवस्था गम्भिर रहेको प्रहरीले जनाएको छ।

'शिविर खाली नभएसम्म संविधान बन्दैन'

                 स्याङ्जा, जेष्ठ ७ - एमाले महासचिव ईश्वर पोखरेलले माओवादीका लडाकु ठेगान नलागेसम्म शान्ति प्रक्रिया टुङ्गोमा नपुग्ने र संविधान जारी नहुने बताएका छन् । जिल्ला युवा संघ स्याङ्जाको आठौं जिल्ला सम्मेलनलाई शुक्रवार गल्याङ्गमा सम्बोधन गर्दै पोखरेलले उक्त कुरा बताएका हुन् ।

समानान्तर बन्दुक र सैन्य संरचना रहेसम्म संविधान बन्न नसक्ने बताउँदै पोखरेलले भने 'जबसम्म शिविर खाली हुँदैन र लडाकुको हातमा बन्दुक हुन्छ, तबसम्म संविधान बन्दैन ।' जनताले चाहेको शान्ति स्थापना र लडाकु नागरिक जनता भए आफ्नो पार्टी सहमतीको लागि बाधक नभएको उल्लेख गर्दै उनले भने 'कन्टेनरमा हतियार थन्काएपनि लडाकुका हात-हातमा हतियार छन् । जबसम्म ती हतियार नष्ट गरिंदैन, तबसम्म शान्ति प्रक्रिया टुङ्गोमा पुग्दैन ।'
भित्र पस्नुहोस