लामागेमा निःशुल्क आँखा शिविर सम्पन्न

(मेरोस्याङ्जा डट कम) स्याङ्गजाको लामागेमा निःशुल्क आँखा शिविर सम्पन्न,  स्याङ्गजा ÷२०६७ माघ २४,  लाइन्स क्लब अफ पोखरा सेन्ट्रल भ्यालीको आयोजना र हिमालयन आँखा अस्पताल घारीपाटन पोखराको प्राबिधिक सहयोगमा पुतलीबजार न।पा। वडा नं। ९ लामागे स्थित ध्रुर्बोदय बोर्डिङ्ग स्कुलमा एक दिने निःशुल्क आँखा शिविर सम्पन्न भयो ।

लामागे वरिपरीका गाँउहरु जोगिचौर पात्ला पण्डितथर भण्डारीथर आमडाँडा सतौं कुलबाँध राङ्गदाङ्ग पुतलीवजार बाडखोला प्रगतिनगर रामकोश तथा टिकाजा देखि आएका ४१२ जनालाई आँखापरीक्षण गरी निःशुल्क औषधि वितरण गरीनुका साथै ९७ जनालाई निःशुल्क चश्मा पनि वितरण गरीएको लाइन्स क्लब अफ पोखरा सेन्ट्रल भ्यालीका सह-सचिव लायन रामजी शर्माले जानकारी दिनुभयो । परीक्षण गरिएका मध्ये २५ जनामा मोतियाविन्दुको समस्या देखिएकाले पोखरास्थित हिमालयन आँखा अस्पतालमा भर्ना गरीएको र उक्त विरामीहरुको खाने बस्ने देखि उपचार पश्चात घर पठाउने ब्यवस्था तथा सम्पूर्ण आवश्यक आर्थिक जिम्मेवारी पनि क्लबलेनै लिने कुरा लायन रामजी शर्माले बताउनु भयो ।

भित्र पस्नुहोस

अर्गानिक कफि उत्पादनको विषयमा छलफल

प्रकाश डोटेल स्याङ्जा-२९, माघ

नेपाल सरकार कृषि मन्त्रालयको सहयोग तथा नेपाल उद्योग वाणिज्य महासंघ एक गाँउ एक उत्पादन सचिवालयको समन्वयमा वालिङ उद्योग वाणिज्य संघद्धारा स्याङ्जाको जगतभञ्ज्याङ गाँउ विकास समितिको वडा नं. २ पाण्डेथोकमा अर्गानिक कफि उत्पादनको विषयमा छलफल सम्पन्न भएको छ ।
एक गाँउ एक उत्पादन कार्यक्रम अर्न्तर्गत गत चैत्रबाट पित्लेकमा अर्गानिक कफि खेति सुरु गरिएको थियो । अहिले पित्लेकमा १० हजार कफिका विरुवा रोपिसकिएको छ भने आगामी वर्षा लागि १५ हजार विरुवाको नर्सरी तयार गरिएको छ ।
कृषि मन्त्रालयका उपसचिव डा. हरिबाबु तिवारी, एक गाँउ एक उत्पादन सचिवालयका इन हाउस कन्सल्टेन्ट गणेश शाक्य, जाइका एक्सपोर्टका मासाहिरो कावामुरा, वालिङ उद्योग वाणिज्य संघका अध्यक्ष एवं ओ.भि.ओ.पिका कार्यक्रम कार्यान्वयन संयोजक ल्याप्टेन यामबहादुर गुरुङ, कार्यसमिति सदस्य गीरमान गुरुङ, खिमानन्द काफ्ले, जिल्ला कृषि विकास कार्यालय स्याङ्जाका प्रमुख चेतनाथ अधिकारी, बाली संरक्षण अधिकृत नवराज भण्डारी र स्थानीय कृषकहरुबीच अर्गानिक कफि खेति सम्बन्धी समग्र गतिविधि र भावी कार्यक्रमको विषयमा छलफल भएको थियो ।

पैयु महोत्सव अबधिभर भाडादरमा छुट

प्रकाश डोटेल स्याङ्जा-२९, माघ

पर्वतको पैयु गाबिस स्थित हातेमालो चोकमा सन्चालनमा आएको पैयु महोत्सवको अबसरमा वालिङ हुवास यातायात ब्याबसायी समितीले महोत्सवको अबधीभर भाडादरमा छुट दिने ब्यबस्था गरेको छ । पर्वत जिल्लाका बिकासउन्मुख गाबिस मध्यको पैयु गाबिस ऐतिहासिक तथा ग्रामिण पर्यटकिय स्थलको रुपमा बिकाश गराउन तथा स्थानिय स्तरमा उत्पादन भएका वस्तुहरुको बजारीकरण गर्न महोत्सवको आयोजना गरिएको आयोजकले जनाएका छन । शुक्रबारबाट शुरु भएको महोत्सव फागुन ८ गते सम्म सन्चालनमा रहने छ ।
पर्वतको दक्षिणी भेग तथा स्याङजाको सिमानामा पर्ने गाबिस पैयुमा आयोजना गरिएको पैयु महोत्सवमा स्याङजा, पाल्पा, गुल्मी र पर्वतका दर्शकले मेला अबलोकन गर्ने भएकाले वालिङ स्थित वालिङ हुवास यातायात ब्याबसायी समितीले एक प्रेस बिज्ञप्ती जारी गरि महोत्सव अबधीभर आफ्नो समितीको गाडीमा यात्रा गर्ने यात्रुलाइ २५ प्रतिशत भाडादरमा छुट गरिएको समितीका अध्यक्ष परबिन गुरुङ द्धारा हस्ताक्षरित प्रेस बिज्ञप्तीमा उल्लेख गरिएको छ ।

भित्र पस्नुहोस